1955eko Espainiako Traineru Txapelketa

1955eko Espainiako Traineru Txapelketa (txapelketaren 9. ekitaldia) urte honetako irailaren 6an jokatu zen Santanderren, eta Oriok bere laugarren txapelketa irabazi zuen.

Traineruen kopuru eskasaren erruz 1953 eta 1954 urteetan ez zen Espainiako txapelketarik jokatu. 1955ean talde kantabriarrak animatu nahian Santanderren antolatu zen Espainiako Txapelketa berria baina ez zuen arrakastarik izan eta 1952ko talde berak aurkeztu ziren, Orio, Iberia eta Remeros del Nalón.

Orio Kontxako Banderaren irabazlea izanik bera zen faboritoa baina Iberia batel eta trainerilletan Espainiako txapelduna izan zenez lehia parekatua espero zen. Ez zen ordea emoziorik egon eta gipuzkoarrak erraz nagusitu ziren.

Talde parte-hartzaileak
Taldeak	Traineruak	Patroiak
Emen Gatoxti (Orio) CDR Iberia (Sestao) CD Remeros del Nalón (Soto de Barco)	? ? ?	Inazio Sarasua Andoni Arraiz Genaro Fernández Pérez

Behin betiko denborak
Postua	Elkartea	1. Eguna	Diferentzia
1	Orio	20:55:0/5	-
2	Iberia	21:24:0/5	0:29:0/5
3	Remeros del Nalón	22:11:0/5	1:16:0/5

• Emen Gatoxti (Orio)
  • Patroia: Inazio Sarasua
  • Arraunlariak: Antonio Mujika, Joakin Fresnedo, Juan Lizarralde "Altxerri", Inazio Erkizia, Bizente Elizondo, Batista Oliden, Alejandro Oliden, Antonio Oliden, Imanol Ikutxa, Julian Pikabea, Tiburtzio Etxeberria, Bizente Zinkunegi eta Patxi Urdangarin.

• Espainiako Traineru Txapelketa

• Datuak: Q20492048