Zeta Reticuli
Zeta Reticuli | |
---|---|
![]() | |
Behaketa | |
Distantzia Lurretik | 39 ly |
Itxurazko magnitudea (V) | 5,51 |
Magnitude absolutua | 5,124 |
Mota espektrala | G2 eta 5 V / G1 V |
Konstelazioa | Reticulum |
Abiadura erradiala | 11,5 km/s |
Igoera zuzena | 49,546417 ° |
Deklinazioa | −62,507944 ° |
Ezaugarri fisikoak | |
Erradioa | 0,91 Eguzki erradio |
Masa | 0,958 M☉ |
Argitasuna | 105 L☉ |
Izendapenak | |
ikusi
|
Zeta Reticuli (ζ Ret / ζ Reticuli) izar-sistema bitar zabala da Lurretik 39,5 argi-urtera (12 parsecs) dagoena, Reticulum konstelazio australean. Bisualki, bi osagaien arteko tartea 310 arku-segundokoa da; beraz, parea begi hutsez desberdin daiteke, hegoaldeko hemisferiotik izar bikoitz gisa, zeru oso ilunetan.
Sistemaren bi osagaiek antzeko distira dute —magnitudeak +5,54 eta +5,24—, eta, hain zuzen, oso antzeko izarrak dira. Bi izarrek antzeko ezaugarriak dituzte Eguzkiarekin, baina Zeta 2 Reticuli (HD 20807 / HR 1010) da Eguzkiaren antzekoena, G0V motako espektro-mota du eta 5795 K-ko azaleko tenperatura. Distira ere ia eguzki-argitasunaren berdin-berdina den argiarekin, eta izar-zatien disko batek orbitatzen du. Zeta 1 Reticuli (HD 20766 / HR 1006) G2V motakoa da eta 5675 K tenperaturakoa; haren argitasuna Eguzkiarena baino % 90 handiagoa da.
Bi izarren arteko angelu-distantzia eta eguzki-sistemarekiko distantzia kontuan hartuta, bien arteko benetako bereizketa 3.750 UA da. Sistemaren periodo orbitala 170.000 urtetik gorakoa da; beraz, ez da harritzekoa inolako mugimendu orbitalik ez izatea. Hala ere, espazioko mugimendu komunak erakusten du benetako sistema bitarra osatzen dutela. Jatorri bera duten Zeta Herculis izar-elkarteko kideak dira.
Gliese 118 Zeta Reticuli izar-sistematik hurbilen dagoen izarra da, 2,8 argi-urtera.
Ufologia
Betty eta Barney Hill senar-emazte estatubatuarrak famatu egin ziren, 1961eko irailaren 19tik 20ra ustezko izaki estralurtarrek bahitu zituztela esan ondoren. Bikoteak kontatutako istorioari “Hillen abdukzioa” esaten zaio, eta, batzuetan, “Zeta Reticuli afera”. Era berean, Carlos Jesús espainiar igarle ezagunak, izar honen izena aipatu ohi zuen, nahiz eta Raticulín gisa ahoskatu, eta bertan jaio zela aipatzen zuen[1].
Erreferentziak
- ↑ (Gaztelaniaz) «¿Qué fue de Carlos Jesús, el hombre que decía haber estado en Ganímedes?» AS.com 2021-01-14 (Noiz kontsultatua: 2021-12-03).
Kanpo estekak
Datuak: Q196847