Yumbilla ur-jauzia

Yumbilla ur-jauzia

Mota	ur-jauzi
Geografia

Koordenatuak	5°55′12″S 77°54′04″W / 5.9199°S 77.9012°W / -5.9199; -77.9012
Kokapena	Amazonas Department ^(en)


Estatu burujabe	Peru
Peruko eskualdea	Amazonas Department

Yumbilla ur-jauzia (gaztelaniaz: Catarata Yumbilla) Peruko oihanean aurkitzen den ur-jauzi bat da, World Waterfall Database webgunearen arabera munduko bosgarren ur-jauzi garaiena da^[1], eta Peruko bigarren altuena Hiru ahizpen ur-jauzien atzetik.^[1]

Kokapen geografikoa

Peruri dagokion Amazonas oihanaren barnean aurkitzen da, Pedro Ruiz hiritik 9 kilometro ipar-ekialdera.

Deskribapena

Andeen mendilerroan sortzen da, San Francisco leizean itsas mailatik 2.723 metrotara. Jarraian dauden lau jauzik osatzen dute, guztira 895,4 metrotako altuera osatuz. Ur-jauzi horretako urak Utcumbamba ibaiaren erdiko arroan isurtzen dira.^[2]

Historia eta turismoa

Inguruko biztanleek betidanik ezagutu izan zituzten ur-jauziak, eta bertakoek kondaira eta mito ugari zituztenez ez zen handik kanpora ezagutzen^[3]. 2007an Peruko Geografia Institutu Nazionalak altuera neurtu zuen eta munduko bosgarrena zela iragarri zutenean turisten interesa piztu zen.^[4]

Inguruan dauden Gocta eta Chinata ur-jauziekin batera "Ur-jauzien ibilbidea" ezarri zen. Bertako biztanleak arduratzen dira turistentzako zerbitzuak emateaz. Gobernuak dena dela natura kontserbatzeko babes eremuak ezarri ditu ibilbidearen inguruan.

Iruditegia

Yumbilla ur-jauzia.
Yumbilla ur-jauzia.
Yumbilla ur-jauziaren inguruko oihana

Erreferentziak

↑ ^a ^b (Ingelesez) «Tallest and Largest Waterfalls at the World Waterfall Database» www.worldwaterfalldatabase.com (Noiz kontsultatua: 2024-08-30).
↑ (Gaztelaniaz) Meza, Jeimis Royler Yalta; López, Rolando Salas; Torres, Robert Jackson Pérez; Chacón, Samuel Abraham Quispe. (2014). «Análisis morfométrico de las microcuencas en el ámbito de las cataratas de Gocta, Chinata y Yumbilla-El Chido, región Amazonas» INDES Revista de Investigación para el Desarrollo Sustentable 2 (2): 60–69 Doi:10.25127/indes.201402.006. doi:10.25127/indes.20142.119. ISSN 2520-0119. (Noiz kontsultatua: 2024-08-30).
↑ (Gaztelaniaz) RedacciónRPP. (2018-10-27). «La otra ruta | El guardián de las cataratas | RPP Noticias» rpp.pe (Noiz kontsultatua: 2024-08-30).
↑ www.wondermondo.com (Noiz kontsultatua: 2024-08-30).