Tritheledontidae

Tritheledontidae
Sailkapen zientifikoa
Erreinua	Animalia
Filuma	Chordata
Familia	Tritheledontidae Broom, 1912

Triteledontidoak (Tritheledontidae) tamaina txiki-ertaineko zinodonto-familia desagertua da. Ugaztunen antz handia zuten, eta oso espezializatuta zeuden, nahiz eta oraindik narrastien ezaugarri anatomiko batzuk zituzten. Euzinodonto basal terapsido batetik zetozen, gutxi gorabehera Cynognathusen antzekoa. Robert Broom paleontologo hegoafrikarrak 1912an izendatu zuen Tritheledontidae familia.^[1] Familiari, askotan, "Trithelodontidae" oker esaten zaio.

Nagusiki haragijaleak edo intsektujaleak ziren, baina espezie batzuek ezaugarri orojaleak gara zitzaketen. Hezurdurak ugaztunekin harreman estua zutela erakusten du. Zientzialari batzuek uste dute triteledontidoek edo haien ahaide hurbilenek ugaztun primitiboak sorrarazi zituztela. Ez dakigu zergatik iraungi ziren euzinodonte espezializatu horiek, baina azalpen posible bat da ugaztunekin, hau da, zerikusia duen talde batekin, lehian aritzeagatik desagertu zirela. Ugaztun haragijale gehienak Jurasikoan bizi izan ziren, eta litekeena da triteledontidoak harrapakin gisa edukitzea.

Hondakin fosilak aurkitu dituzte Hego Amerikan eta Hegoafrikan, eta horrek esan nahi du superkontinente bakar batean bizi izan zirela, Gondwanan. PBS katearen Your Inner Fish dokumentalaren arabera Baliteke Tritheledontidaek bibrisak izatea.^[2] Ugaztun teriarren arbaso arruntek ere bazituzten.^[3] Litekeena da bibrisen inguruko nerbio-sistemaren garapenak zeregin garrantzitsua izatea ondorengo ugaztunen garapenean.^[3]

• Riograndia (triteledontido primitiboa)
• Thritheledontinae azpifamilia
  • Chalimia
  • Diarthrognathus
  • Elliotherium
  • Irajatherium
  • Pachygenelus
  • Trithelodon

• Datuak: Q21646750
• Espezieak: Tritheledontidae