Staka Skenderova
Staka Skenderova | |
---|---|
![]() ![]() | |
Bizitza | |
Jaiotza | Sarajevo, 1828 |
Herrialdea | ![]() ![]() |
Heriotza | Sarajevo, 1891ko maiatzaren 26a (62/63 urte) |
Hezkuntza | |
Hizkuntzak | serbiera |
Jarduerak | |
Jarduerak | idazlea, poeta, irakaslea eta adult educator (en) ![]() |
Sinesmenak eta ideologia | |
Erlijioa | kristautasun ortodoxoa |
Staka Skenderova (Sarajevo, 1828 – ibidem, 1891ko maiatzaren 26a) bosniar irakasle, gizarte-langile, idazle, folklorista eta moja ortodoxoa izan zen.
Bizitza
Staka Skenderova Sarajevon jaio zen Serbiako Perepole herriko etorkinen familian. Haren nebak otomandar armadarako josten zuen, eta Skenderovak gaztetan ikasi zuen turkieraz hitz egiten[1][2]. Asko irakurtzen zuen, eta elizan abesten zuen emakume bakarra zen garai hartako Bosnian[3].
1858ko urriaren 19an, otomandar agintarien baimena lortuta, Sarajevoko lehen nesken eskola ireki zuen[1]. Hala ere, 1878an austro-hungariarrek Bosnia okupatu ostean, eskola itxi egin zuten arazo ekonomikoak zirela eta[4].
Aleksandr Hilferding Errusiako kontsularen ekimenez, Ljetopis Bosne 1825-1856 kronika idatzi zuen 1859an. Liburu hori Skenderovaren idazlan ezagun bakarra izaten jarraitzen du. Serbierazko testua galdu zen, baina Hilferdingek errusierara itzuli zuen eta San Petersburgon argitaratutako liburuan sartu zuen 1859an[2].
Azkenean, Skenderovak moja izatea erabaki zuen. Garai hartan Bosnian emakumezko monasterio serbiar ortodoxorik ez zegoenez, 1870ean Jerusalemera joan zen, eta han moja egin zen[5].
1891ko maiatzaren 26an hil zen istripu batean jasotako zauri larrien ondorioz[6].
Lanak
- Ljetopis Bosne, 1825–1856 (1859)
Erreferentziak
- ↑ a b (Bosnieraz) «Staka Skenderova» BH Leksikon jatorrizkotik artxibatua (artxibatze data: 2014-09-11) (Noiz kontsultatua: 2024-06-10).
- ↑ a b (Errusieraz) Мельчакова, Ксения. (2015). «Проблема женского образования в Боснии. Стака Скендерова: её жизнь, её школа» Известия Самарского научного центра Российской академии наук 17 (3): 152-157. (Noiz kontsultatua: 2024-06-10).
- ↑ (Serbieraz) «Hadži Staka Skenderova» Zapadni Srbi 2015-03-08 (Noiz kontsultatua: 2024-06-10).
- ↑ (Ingelesez) «Staka Skenderova» Knjiženstvo (Noiz kontsultatua: 2024-06-10).
- ↑ (Bosnieraz) «Sjećanje na Hadži Staku Skenderovu» Starogradski haberi 9: 17. (Noiz kontsultatua: 2024-06-10).
- ↑ (Bosnieraz) «Staka Skenderova» Sarajevo 2013-04-12 (Noiz kontsultatua: 2024-06-10).
Kanpo estekak
Datuak: Q62550371
Multimedia: Staka Skenderova / Q62550371