Pitié-Salpêtrièreko Ospitalea
Pitié-Salpêtrièreko Ospitalea | |
---|---|
Hôpital de la Salpêtrière | |
![]() | |
Assistance Publique – Hôpitaux de Paris Groupe hospitalier de la Pitié-Salpêtrière - Charles Foix | |
![]() | |
Kokapena | |
Estatu burujabe | ![]() |
Udalerrien arteko lankidetzarako erakunde publikoa | Paris Handiko metropolia |
Territorial collectivity of France with special status | Paris |
Udalerri barrutia | Parisko 13. barrutia |
Koordenatuak | 48°50′13″N 2°21′54″E / 48.837°N 2.365°E / 48.837; 2.365 |
![]() | |
Historia eta erabilera | |
Irekiera | 1657 |
Komisarioa | Luis XIV.a Borboikoa |
Erabilera | ospitalea |
Arkitektura | |
Arkitektoa | Antoine Duval (en) ![]() Libéral Bruant (en) ![]() Louis Le Vau Pierre Le Muet (en) ![]() Henri Prudhomme (en) ![]() |
Estiloa | arkitektura barrokoa |
Ordezkatzen du | hôpital de la Pitié (en) ![]() |
Ondarea | |
Mérimée ID | PA00086592 |
Webgune ofiziala | |
![](http://upload.wikimedia.org/wikipedia/commons/thumb/0/05/Salpetriere_Mazarin_Entrance.jpg/300px-Salpetriere_Mazarin_Entrance.jpg)
Pitié-Salpêtrièreko Ospitalea (frantsesez: Hôpital de la Pitié-Salpêtrière, edo, besterik gabe, La Salpêtrière) Parisko 13. barrutian dagoen ospitale publikoa da. XVII. mendean eraiki zuten.
Historia
Bere hasierako eraikina Luis XIV.ak Libéral Bruant arkitektoari enkargatu zion 1656ko apirilean. bolborategi txiki bat zuen gunea aukeratu zuten gune gisa. Eraikinak Hôpital Général pour le Renfermement des Pauvres de Paris (Parisko pobreak eta etxerik gabeko pertsonak ospitaleratzeko ospitale orokorra) izena jaso zuen eta bere helburu nagusia hiriko pertsona behartsuak eta etxerik gabekoak ospitalizatzea zen. Hiru zatitan banatu zen: La Pitié, haurrentzako, Bicétre gizonentzat eta La Salpêtrière emakumezkoentzat. 1684an, La Salpêtrière zatia handitu egin zuten beren senarrek edo aitek salatutako emakumeentzako bakartze leku gisa. Prostitutentzako espetxe eremua gehitu zuten. Frantziako Iraultzaren ateetan, ospitaleak hamar mila gaixoentzako gaitasuna zuen eta espetxeko instalazioak hirurehun atxilotuak izatera iritsi ziren.
1792ko irailaren 3-4ko gauean (iraileko sarraskiak), ospitaleak bere orrialde beltzenetariko bat idatzi zuen La Salpêtrière barnetegian sartutako 34 emakumeren hilketarekin.
XIX. mendean, bere mediku batzuen lanari ezker, esate baterako, Philippe Pinel edo Jean-Martin Charcot (neurologia modernoaren aitatzat jotzen dutena), medikuntza-zentroa buru-osasuneko garrantzitsuenetako bat izan zen. Europa osoko ikasle asko etorri ziren ospitalera ikastera.
Gaur egun frantsesez "CHU Pitié-Salpêtrière" deitzen dena dago, hau da, "Pitié-Salpêtrière Ospitale-Unibertsitate Zentroa" (1964an, Salpêtrière-ko eta Pitié-ko ospitalen fusioaren ondorioz sortua).
Hor Galesko Diana printzesa zendu zen 1997ko abuztuaren 31n.
Gaur egun Parisko ospitale nagusietako bat da. Ospitaleak Institut du cerveau et de la moelle épinière ere barne hartzen du.
Nabarmendutako eraikuntzak
![](http://upload.wikimedia.org/wikipedia/commons/thumb/3/39/Salpetriere_Chapel.jpg/300px-Salpetriere_Chapel.jpg)
Salpêtrièreko kapera
Ospitaleko luxurik gabeko kapera Libéral Bruant-ek eraiki zuen 1675 urtearen inguruan. Greziako gurutze forma du eta erdiko kupula oktogonala du. Tenpluak gutxi gorabehera mila fededunentzat lekua du.
Philippe Pinel estatua
Ospitaleko sarrera nagusiaren aurreko plazan dago. Philippe Pinelen irudiari eskainitako brontzezko monumentu bat da, nor ospitalean mediku nagusi izan zena 1795 eta 1826 artean.
Mediku ospetsuak
Ospitaletik pasatu diren mediku ospetsuenen artean aipatzekoak dira:
- Jean-Martin Charcot (1825 - 1893), neurologia modernoaren aita eta, zalantzarik gabe, ospitaleko mediku ospetsuena.
- Sigmund Freud ( 1856 - 1939 ) Charcoten ikaslea izan zen. Lau hilabetez jaso zituen eskolak Parisko hiriburuan.
- Joseph Babiński (1857 - 1932), Charcot-en ikaslerik gogokoena. Berari zor zaio Babinski zeinuaren lehen deskribapena.
- Philippe Pinel (1745 - 1826).
- Jean Étienne Dominique Esquirol (1772 - 1840).
- Étienne-Jean Georget (1795 - 1828).
- Ernest-Charles Lasègue (1816 - 1883). Lasègue zeinua deskribatu zuen 1864an.
- Alfred Vulpian (1826 - 1893).
- Paul Richer ( 1849 - 1933 ).
- Pierre Janet (1859 - 1947) psikologoa. XIX. mendeko Frantziako psikologia klinikoko pertsonaia garrantzitsuenetako bat.
- Marie-Germaine Bousser Fakultateko lizentziaduna da, eta Neurologiako irakaslea da 1981etik.
- Dominique Laplane Pitié Salpêtrière zerbitzuko burua eta Pierre eta Marie Curie Unibertsitateko ohorezko irakaslea da.
- Jean Piaget
Bibliografia
- La Pitié-Salpêtrière: quatre siècles d'histoire et d'histoires - Maximilien Vessier, ospitaleak berak argitaratua, ISBN 2-9513550-0-9 .
Kanpo estekak
- Ospitaleko egungo mapa
Datuak: Q939883
Multimedia: Hôpital de la Pitié-Salpêtrière / Q939883