Mariam Kamara
Mariam Kamara | |
---|---|
(2020) Irudi gehiago | |
Bizitza | |
Jaiotza | Saint-Étienne, 1979 (44/45 urte) |
Herrialdea | Niger |
Hezkuntza | |
Heziketa | Purdue Unibertsitatea 2001) lizentzia : Informatika New Yorkeko Unibertsitatea 2004) master : Informatika Washingtongo Unibertsitatea 2013) master : arkitektura |
Hizkuntzak | frantsesa |
Jarduerak | |
Jarduerak | arkitektoa eta unibertsitateko irakaslea |
Lantokia(k) | Providence eta Niamei |
Enplegatzailea(k) | Brown Unibertsitatea |
Mariam Kamara (Saint-Étienne, Frantzia, 1979) arkitektoa da.[1]
Estatu Batuetan informatikako ikasketak amaitu ondoren, arkitekturan murgildu zen. Washingtongo Unibertsitatean graduatu zen, eta 2014. urtean Atelier Masomi sortu zuen Niamei-n. Afrikako hiri-arkitektura birdefinitzen saiatzen da, tokian tokikoari eta jasangarritasunari erreparatuz.
Estatu Batuetan, Afganistanen eta Nigerren proiektuetan lan egiten duen United4design nazioarteko arkitekto-taldeko kide sortzailea da Mariam Kamara.
Hiri-plangintza irakasten du Rhode Island-eko Brown Unibertsitatean.
Biografia
Lehen urteak
Mariam Kamara 1979an jaio zen.[2] Familiak hiriburua utzi zuen sei urte zituenean Agadez eskualdean, Niger iparraldean, Sahara eta Sahel artean, bizitzeko. Berak eta haren aitak, meatze-ingeniari batek, hantxe aurkitu zituzten leize aberatsez osatutako leku arkeologikoak, fresko neolitikoetan eta harri leunduetan. Han bost urte egin zituen.'[3]
Mariam Kamararen bere lehen unibertsitate-karrera konputazio-zientzietakoa izan zen, eta Purdueko Unibertsitateko lizentziatura bat lortu zuen 2001ean; gero, New Yorkeko Unibertsitateko master bat 2004an.[4]
Informatika arkitekturagatik utzi zuen eta 2013an master bat lortu zuen Washingtongo Unibertsitatean. Haren tesiak, Mobile Loitering-ek, Nigerreko eremu publikoko genero-kontuak ditu ardatz.[3]
Ibilbide profesionala
Mariam Kamarak forma geometriko argidun eraikinak egiten ditu, batez ere hiru materialetan oinarrituta: zementua, metal birziklatua eta lur gordina. Landa-azterketak egin zituen etorkizuneko biztanleen eta erabiltzaileen itxaropenak hobeto ulertzeko, eta barrualdea kanporantz modelatu du.[3][5]
2014. urtean, Atelier Masomi arkitektura-estudioa sortu zuen, tokiko arkitekturan oinarritua.[6]
Estatu Batuetan, Afganistanen eta Nigerren proiektuetan lan egiten duen United4design nazioarteko arkitekto-taldeko kide sortzailea da Mariam Kamara.[7]
Hiri-plangintza irakasten du 2017az geroztik Brown Unibertsitatean, Rhode Island estatuan.[5]
Proiektu handiak
Niamei 2000
Mariam Kamara buru duen lehen proiektu handia Niamey 2000 apartamentu-konplexua da, 2016. urtean egina. Yasaman Esmaili, Elizabeth Golden eta Philip Sträterrekin diseinatuttakoa. Niamey-n 1960ko hamarkadan eraikitako haurtzaroko etxearen hormigoizko egiturari lotutako arazo espazialak zalantzan jartzen ditu.[3]
Emaitza lurra eta zementua konbinatuz egindako lau egitura izan dira. [3]
Hikma konplexua Dandajin
2018an, berak eta Yasaman Esmailik, Chahar estudioaren sortzaileak, Hikma proiektua garatu zuten Dandajin, Tahoua eskualdean.[8] Lur-meskitako larrialdi-erreskateak eraginda, proiektua, liburutegi bat eta komunitate-zentro bat hartzen zituen kultura-konplexu bihurtu zen, eta bi jakintza-motak konbinatzen zituen: "kontraesanik gabea, ezagutza sekularraren eta fedearen artekoa".[3]
Proiektuak bi sari irabazi zituen Lafarge Holcim Awards sarietan, munduko arkitektura iraunkorreko lehiaketarik handienean[8][5]
Niamey Kultur Etxea
Rolex Mentor & Protégé 2018-2019 programaren saria jaso du Mariam Kamarak, David Adjaye arkitekto britainiarrak lagunduta. Niamey-n kultur zentro berri baten proiektuan elkarrekin lan egin dute.[9]
Aintzatespenak
- 2017: Eraikuntza jasangarrirako LafargeHolcim sariak: zilarrezko domina Global kategorian eta urrezko domina Ekialde Ertaineko Afrikako eskualde-kategorian[10]
Erreferentziak
- ↑ «People – Our Team» ateliermasomi.com (atelier masomi).
- ↑ «Mariam Kamara - Prince Claus Fund» princeclausfund.org.
- ↑ a b c d e f Snyder, Michael. (2020-08-10). «In Niger, an Architect Looking to the Country’s Design Traditions» The New York Times ISSN 0362-4331..
- ↑ «Mariam Kamara: 'architecture itself can not make a more equitable world but we can contribute with specific actions'» ArchDaily 2019-03-21.
- ↑ a b c «Urbanisme : Mariam Kamara, l’architecte « made in Africa » – Jeune Afrique» JeuneAfrique.com 2018-09-27.
- ↑ «Mariam Kamara, l'entrepreneure qui veut promouvoir l'architecture locale africaine» Africanews 2017-09-26.
- ↑ «Archi en aparté : Atelier masōmī» larchitecturedaujourdhui.fr.
- ↑ a b «Rencontre avec Mariam Kamara et Yasaman Esmaili» larchitecturedaujourdhui.fr octobre 2018.
- ↑ ««Etre fidèle à soi-même», le défi de l’architecture africaine» Bilan.
- ↑ https://www.larchitecturedaujourdhui.fr/3-questions-aux-architectes-mariam-kamara-et-yasaman-esmaili/
Kanpo estekak
- Datuak: Q105565734
- Multimedia: Mariam Kamara / Q105565734