Macarena Gelman
Macarena Gelman | |||
---|---|---|---|
![]() ![]() | |||
2015eko otsailaren 15a - Barrutia: Montevideo Hautetsia: 48th Legislature of the Chamber of Deputies of Uruguay (en) ![]() | |||
Bizitza | |||
Jaiotzako izen-deiturak | María Macarena Gelman García | ||
Jaiotza | Montevideo, 1976ko azaroaren 1a (47 urte) | ||
Herrialdea | ![]() ![]() | ||
Familia | |||
Aita | Marcelo Ariel Gelman Schuberoff | ||
Ama | María Claudia García Irureta Goyena | ||
Hezkuntza | |||
Hizkuntzak | gaztelania | ||
Jarduerak | |||
Jarduerak | politikaria, aktibista eta funtzionarioa | ||
Sinesmenak eta ideologia | |||
Alderdi politikoa | Fronte Zabala | ||
![]() ![]() ![]() |
María Macarena Gelman García (Montevideo, 1976ko azaroaren 1a) uruguaitar giza eskubideen aldeko ekintzaile eta politikari bat da. Bere aiton-amonak dira Juan Gelman argentinar poeta eta María Eugenia Casinelli de García Irureta Goyena, Maiatzeko Plazako Amonak taldearen sortzailetakoa.
Bizitza
Macarena Gelman, Maria Claudia Garcia Irureta Goyenaren eta Marcelo Ariel Gelmanen alaba da, biak Argentinako diktadura militarrean atxilotuak eta desagertuak. Ama haurdun zegoela atxilotu zuten eta Uruguaira eraman zuten, Kondor operazioaren barruan.[1]
Macarena gatibutzan zehar jaio zen 1976ko azaroan eta adopzioan eman zioten Uruguaiko familia bati. Guraso biologikoak erail zituzten.
Zientzien Fakultatean eta Kimika Fakultatean ikasi zuen, Errepublikaren Unibertsitatean, baina ez zituen ikasketak burutu.
Macarenaren bilaketa
1988ko abenduaren 23an Juan Gelmanel Brecha astekarian "nire bilobari gutun irekia" argitaratu zuen. Testu horretan, 1995ean idatzia, oraindik aurkitu ez zuen bere bilobari haren sentimenduak kontatzen zizkion eta bere gurasoen istorioa kontatzen zion.[2]
2000 urtean Mararenak bere benetako identitatea ezagutu zuen, aitonak egindako ikerketa luze bati esker.
Bilaketak nabarmentasuna hartzen hasi zen aitonaren eta Julio María Sanguinetti lehendakari ohiaren arteko gutun irekien truke baten ondoren, 1999 eta 2000 urteen artean. Gelmanek agintaruaren lankidetza eskatzen zuen eta Sanginettik aldiz ukatu egiten zuen Uruguaik parte hartu izana haurren lapurretan.[3] Orduan Sanginetti mundu osoko gutunak jasotzen hasi zen, Nobel Saridunak barne.
Jorge Batllen kasuan aintzat hartu ondoren, lehendakari iritsi berriak bi ikerketa paralelo egitean agindu zuen eta Gelmanen ikerketa pribatuak aurkitutako berdina ondorioztatu zuten. Macarenaren benetako identitatea baieztatua geratu zen.[4]
Aurkikuntzaren ondorioz, Macarenak bere abizenak aldatu eta gurasoenak hartu zituen (Gelman García). Militantzia sozialari ekin zion, batez ere, estatu terrorismoaren giza eskubideen urraketen inguruan eta beren jatorrizko familiak ezagutzen ez dituzten pertsonen bilaketan.
María Claudiaren aztarnen bilaketa
2005ean, Tabaré Vázquez lehendakaritzara iritsi eta gero, diktaduran zehar desagertutakoen aztarnan bilatzeko indusketak hasi ziren. 2005eko abuztuan Vazquezek adierazi zuen %99ko aukerak zeudela María Claudiaren aztarnak, Macarenaren ama, Batallón 14an aurkitzeko, Canelones departamenduan.[5] Alta, indusketek ez zuten emaitza onik eman, eta beraz, amaren aztarnarik ez da aurkitu.[6] Aitarenak, aldiz, Argentinan topatu ziren 1989an.
Erreferentziak
- ↑ desaparecidos. Desaparecidos en Argentina: María Claudia García Iruretagoyena de Gelman y Marcelo Ariel Gelman Schubaroff. (Noiz kontsultatua: 2017-5-5).
- ↑ Carta abierta a mi nieto, por Juan Gelman.
- ↑ La recherche de Juan Gelman. (Noiz kontsultatua: 2017-08-01).
- ↑ Página/12. (Noiz kontsultatua: 2017-08-01).
- ↑ (Gaztelaniaz) BBC Mundo | América Latina | Uruguay: buscan a nuera de Gelman. (Noiz kontsultatua: 2017-08-11).
- ↑ (Gaztelaniaz) www.espectador.com. «Gelman: Fue "prematuro" el anuncio del lugar donde estarían los restos de mi nuera» ESPECTADOR.COM (Noiz kontsultatua: 2017-08-11).
Kanpoko loturak
Wikimedia Commonsen badira fitxategi gehiago, gai hau dutenak: Macarena Gelman ![]() |
- (Gaztelaniaz) Touriño, Rosario. (2014-5-9). "Si querés ir más allá, no te queda otra que embarcarte". Brecha.
Datuak: Q16596518
Multimedia: Macarena Gelman / Q16596518