Lehen Olerti Eguna
Lehen Olerti Eguna | ||
---|---|---|
| ||
Mota | olerkigintza | |
Egilea | Euskaltzaleak | |
Argitaratze-data | 1930eko ekainaren 1a | |
Genero artistikoa | olerkigintza | |
Lehen Olerti Eguna edo Euskal Poesiaren Eguna 1930eko ekainaren 1an, ospatu zuten Errenterian.[1] Euskaltzaleak elkarteak antolatua izan zen.
Koldobika Jauregiren omenez
Euskaltzaleak elkarteak, Lizardi bazkide zuela eta Aitzol presidentea, sakabanatuta zeuden olerkariak bildu nahirik, Euskal Poesiaren Eguna antolatu zuen Errenterian Koldobika Jauregiren omenetan (1930).
Euskal kulturako idazlerik nabarmenenak izan ziren bertan: Xabier Lizardi, Estaban Urkiaga "Lauaxeta", Nikolas Ormaetxea "Orixe", Txomin Jakakortajarena, Jose Antonio Loidi Bizkarrondo, Alejandro Tapia Perurena... Errenteria ez zen ausaz hautatu ospakizunerako, aurreko urtean argitaratutako Biozkadak olerki liburuaren egile Luis Jauregiren bertan sortua zelako, baizik. Euskal olerkigintza bizitu zuen liburutzat hartzen zen Biozkadak. Egunean zehar olerki irakurketez eta bertsolariez gain, elebitasunaren aldeko mitina izan zen.[2]
Lauaxeta irabazle
Olerki lehiaketan Esteban Urkiaga "Lauaxeta" gertatu zen irabazle, «Maitale kutuna» olerkiari esker. Orixe izan zen bigarren. Bertan esku hartu zuen Lizardik, hiru poesia aurkeztuz.
Ekintza ugari
Saioak jendetza handia biltzea lortu zuen. Olerti Egunean milaka lagun eta momentuko idazlerik entzutetsuenak eta ez hain entzunak Errenterian bildu ziren. Mezak olerki irakurketei, bertsolariei, antzerkiari, dantzei eta euskararen aldeko mitinei eman zien bidea. Herriko plaza gainezka zen. Olerti eguna herritarren festa eguna nahi zen, helburua estetikatik haratago baitzen; elitetatik herriarengana hedatu nahi zen. Pizkundea zen helburua, herria eta gizartea iratzartzea, nazioa eraikitzea eta poesia horren oinarrian jarri zen.[3]
Bigarren Olerti Eguna 1931n egin zen, Tolosan.
Iruditegia
Pascual Marínen argazkiak:
-
- Herriaren erantzuna erabatekoa izan zen.
- Mota askotako ekintzak antolatu ziren.
Erreferentziak
Kanpo estekak
- [1] Mikel Guria: «Mundu bat Errenterian. I. Eusko Olerti Egunean», Oarso aldizkarian.
Datuak: Q126264921