Kenizé Mourad
Kenizé Mourad | |
---|---|
![]() ![]() | |
Bizitza | |
Jaiotza | Paris, 1939ko azaroaren 14a (84 urte) |
Herrialdea | ![]() |
Familia | |
Ama | Selma Hanımsultan |
Familia | ikusi
|
Hezkuntza | |
Hizkuntzak | frantsesa |
Jarduerak | |
Jarduerak | kazetaria, idazlea eta eleberrigilea |
Jasotako sariak | ikusi
|
![]() ![]() |
Kenizé Mourad (Paris, 1939ko azaroaren 14a) frantziar kazetari eta idazlea da.
Ama turkiar sultan bat zuen eta aita raja. Suleiman Handiaren ondorengoa zen, baina ez zuen bere jatorriaren berririk izan nerabezaroa arte. Amak Indiatik ihes egin zuen haurdun zegoela eta Parisen hil zen pobrezian. Urte eta erdi zuela bere amaren eunukoa zen Zeynelen babesean gelditu zen. Zeynelek Suitzako enbaxadan utzi zuen umea, eta bost urte bete zituen arte suitzar familia batekin bizi izan zen. Moja-eskola batean sartu zen, eta azkenean frantses mojekin gelditu zen. Psikologia-karrera egin zuen Parisen, eta ikasle zela, eskola partikularrak ematen zituen eta gozokiak eta opera-egitarauak saltzen zituen. Aita hogeita bat urte zituela ezagutu zuen. Adin horrekin Indiara joan zen han gelditzeko asmoarekin, baina kultura-desberdintasunak zirela eta, sei hilabete besterik ez zituen han egin. Parisen hartu zuen bizilekua, eta bi urtean zehar Air Franceko azafata izan zen. Ondoren Le Nouvel Observateur mintegian hasi zen lanean gerra berriemaile gisa. Kazetari gisa, Indiako eta Ekialde Hurbileko gaietan espezializatu zen. 1980an kazetaritza utzi eta bere amaren bizitza kontatzeari ekin zion. 1988an Printzesa hilaren partetik eleberria argitaratu zuen. Hamalau hizkuntzatara itzuli zen eta arrakasta handia izan zuen. Handik hamar urtera Lorategi bat Badalpurren idatzi zuen, hau ere autobiografikoa eta aurrekoaren jarraipena.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q2405296
Multimedia: Kenizé Mourad / Q2405296