Kalinizio Heliopoliskoa

Kalinizio Heliopoliskoa
Su grekoaren erabilera.
Bizitza
Jaiotza	Baalbek, VII. mendea
Herrialdea	Bizantziar Inperioa
Bizilekua	Konstantinopla
Heriotza	VII. mendea ( urte)
Jarduerak
Jarduerak	arkitektoa, alkimista eta militarra
Lan nabarmenak	ikusi Su greko

Kalinizio Heliopoliskoa (antzinako grezieraz: Καλλίνικος; Heliopolis, Siria, K.o. VII. mendea) bizantziar arkitekto eta ingeniaria izan zen. Berak asmatu zuen su grekoa, guduan hodi batzuen bidez etsaiaren ontzietara edo gudarien artera jaurtitzen zen isurkari guztiz sukoia, itzaltzen ia ezinezkoa zena. Su grekoa zerez zegoen osatua inork ez zekien, Bizantzioko enperadoreak eta Kalinizioren familiak izan ezik, eta familia horrek zuen isurkaria prestatzeko ardura. Gaur egun oraindik ez da asmatu su grekoa zerez zen osatua, baina naftaz, sufrez, eta beste zenbait osagaiz egina zela uste da. Zizikoko guduan (673) erabili zen lehenengo aldiz, eta horri esker menderatu zituzten gudu horretan bizantziarrek musulmanak.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2014-1-24 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.