Kaili formazioa
Kaili formazioa (txinera tradizionalez: 凯里组; pinyinez: Kǎilǐ zǔ) Kanbriar garaiko fosilak aurkitzen diren formazio estratigrafikoa da, Txina hegoaldean kokaturik dagoena. Duela 513 eta 506 milioi urte arteko fosilak aurkitu dira bertan.
Geografia
Guizhou probintziako Kaili hiritik gertu aurkitzen da, hortik bere izena. 200 metrotako lodiera duen geruza bat da. Aztarnategi honen jatorria azaltzeko bi hipotesi plazaratu dira[1]:
- Itsasertzean olatuek pilaturiko sedimentuak, ongi oxigenaturiko eremua beraz (hipotesi problabeena)
- Sakonera handiagoko uretan, oxigenazio urriko eremua.
Fosilak
Biodibertsitate izugarria azaltzen du Kaili formazioak. 11 filumetako 110 generotako fosilak bildu dira[2]. Genero hauetatik 40 Kanadako Burgess Shalen ere badaude[3] eta 30 genero Txina bertako Maotianshan Shales aztarnategian.
Fosil ugarienak trilobitak eta eokrinoideak dira, beren atal gogorrak oso ongi kontserbatu baitira[2]. Ediacararra garaiko Parvancorina-ren antzerako artropodoak ere aurkitu dira[4]. Aipatzekoa da hainbat ornodunen arrautzak eta enbrioiak ere kontserbatu izan direla Kaili formazioan[5].
Beste fosil batzuk honako genero hauei dagozkie: Gordia[1], Naraoia, Chancelloridoak, Microdictyon, Wiwaxia eta Marrella, besteak beste.
Erreferentziak
- ↑ a b «ScienceDirect» www.sciencedirect.com (Noiz kontsultatua: 2019-05-07).
- ↑ a b «Kaili Formation» www.fossilmuseum.net (Noiz kontsultatua: 2019-05-07).
- ↑ «ScienceDirect» www.sciencedirect.com (Noiz kontsultatua: 2019-05-07).
- ↑ Lin, Jih-Pai; III, Samuel M. Gon; Gehling, James G.; Babcock, Loren E.; Zhao, Yuan-Long; Zhang, Xing-Liang; Hu, Shi-Xue; Yuan, Jin-Liang et al.. (2006-01-01). «A Parvancorina-like arthropod from the Cambrian of South China» Historical Biology 18 (1): 33–45. doi:10.1080/08912960500508689. ISSN 0891-2963. (Noiz kontsultatua: 2019-05-07).
- ↑ (Ingelesez) «Welcome to GSA Journals: Geographia-Sanitas-Agricultura» GSAJournals.org doi:10.1130/g23006a.1. (Noiz kontsultatua: 2019-05-07).
Ikus, gainera
- Kanbriarreko leherketa
Kanpo estekak
- www.fossilmuseum.net
Datuak: Q1721427