Juan Bautista Berasategi
Juan Bautista Berasategi | |
---|---|
![]() ![]() | |
Ahotsa | |
Bizitza | |
Jaiotza | Pasaia, 1951 |
Herrialdea | ![]() |
Heriotza | 2017ko apirilaren 28a (65/66 urte) |
Hezkuntza | |
Hizkuntzak | euskara gaztelania |
Jarduerak | |
Jarduerak | film-zuzendaria |
Lan nabarmenak | ikusi
|
Jasotako sariak | ikusi
|
![]() ![]() ![]() ![]() |
Juan Bautista Berasategi Luzuriaga, Juanba Berasategi, (Pasai Donibane, Pasaia, Gipuzkoa, 1951 – 2017ko apirilaren 28a) gipuzkoar zinema-zuzendaria izan zen.[1]
Biografia
Marrazki bizidunak landu zituen batez ere, eta alor horretan aitzindaria izan zen Euskal Herrian. La estrella de oriente - Ekialdeko izarra (1977), animazioko lehen euskal filma izan zenarekin egin zuen debuta. Ondoren Fernando amezketarra segin zuen (1979), Ikuska sailean parte hartu zuen (Ikuska 6: Euskara galdutako Nafarroa, 1980; Nafarroan euskarak duen egoerari buruzkoa), eta Kukubiltxo (1983). 1985ean egin zuen Kalabaza tripontzia, marrazki bizidunetako lehen film luzea Euskal Herriko zinemagintzan, euskal elezaharretan oinarrituriko lan bikaina. 1991n aurkeztu zuen bigarrena, Balearenak. Geroago bigarren film horren plagio izan zen Ipar haizearen erronka filmak Goya Saria jaso zuen, eta azkenean Berasategi ere jarri behar izan zuten filmeko zuzendari gisa.[1]
Berasategiren beste lan batzuk dira hauek: Astakiloen abenturak eta kalenturak (1987) Luis Goyarekin Bernardo Atxagaren gidoiarekin eta Juan Karlos Perezen musikarekin, Sorkunde (1992), Sport man (1992), Fernando Amezketarra saila[erreferentzia behar] (1995), Ahmed Alhambrako printzea (1997), Lazkao Txiki saila (1998-1999), Txirrita saila (1999-2000), Alhambrako giltza (2003), Pailazokeriak (2005), Barriola, San Adriango azeria (2008), Simplemente (2009), Tormeseko itsumutila (2012) eta Nur eta herensugearen tenplua (2017).[2][3]
Produktore-lanak ere egin zituen, eta hainbat kargu izan zituen, besteak beste, Euskal Ekoizleen Elkarte Independentearen presidente izan zen (1991-1992, 1994-1996 eta 1997). Berasategiren lan askok sari garrantzitsuak jaso dituzte.
Telebistarako nahiz zinemarako publizitate lan ugari egin zituen. Ikus-entzunezkoen egile eskubide profesionalen esparruan murgildu zen, babes entitateen sustatzaile eta sortzaile gisa.[4] Era berean, ikus-entzunezko sortzaile eta ekoizleen elkarte profesionalen bultzatzaile izan zen.[5][6]
![](http://upload.wikimedia.org/wikipedia/commons/thumb/8/87/Juanba_Berasategi_MJ_Eleizegiren_neurriak_hartzen.jpg/220px-Juanba_Berasategi_MJ_Eleizegiren_neurriak_hartzen.jpg)
Marrazkilari eta ilustratzaile lan asko egin zituen, aldizkarietan eta liburuetan; besteak beste, 1979-1983 bitartean argitaratutako Oh! Euzkadi aldizkarian,[7] Ramon Saizarbitoriaren eta Koldo Izagirreren gidaritzapean. Ilustrazio lana xede sozial edo politiko jakinen zerbitzura ere jarri zuen batzuetan, trantsizio politikoaren urtetan, besteak beste Urrestilla herri bihurtzeko ahaleginaren alde.[8] Euskal poesia haurrentzat ilustrazio bidez era berritzaile batean aurkeztu zuen, Koldo Izagirrerekin batera, Ilargiak baleki bilduman.[9]
Liburuen ilustratzaile gisa, 1970eko hamarkadan Donostian argitaratutako Ustela bildumaren[10] bi libururen ilustrazioak egin zituen (Koldo Izagirreren Oinaze zaharrera eta Joxe Austin Arrietaren Termitosti). Geroago, 2001etik aurrera, EHUko ILCLI logika institutuak 2001az geroztik argitaratzen duen Gogoa aldizkariko ilustrazioak egin zituen.[11]
Anton Abbadia saria jaso zuen 2006an, Gipuzkoako Foru Aldundiak emana.[12]
Donostian kokatutako Lotura Films SA zinemagintza etxearen zuzendari izan zen lanbidez.
Filmografia
Zuzendari moduan film hauetan aritu zen:[13]
![](http://upload.wikimedia.org/wikipedia/commons/thumb/2/20/Altzoko_Haundiaren_ibilbidea_19.jpg/220px-Altzoko_Haundiaren_ibilbidea_19.jpg)
[15]
- 2017: Nur eta herensugearen tenplua
- 2013: Tormesko itsumutila (telefilma)
- 2008: Barriola, San Adriango azeria
- 2003: Alhambrako giltza / El embrujo del sur
- 1998: Ahmed, Alhambrako printzea
- 1993: Sorkunde
- 1992: Ipar haizearen erronka
- 1991: Balearenak
- 1985: Kalabaza tripontzia
- 1983: Kukubiltxo
- 1981: Fernando Amezketarra
- 1980: Ikuska 6
- 1977: Ekialdeko izarra
Editore moduan:
- 2013: Tormesko itsumutila (telefilma)
- 2000: Karramarro uhartea (2000)
- 1998: Ahmed, Alhambrako printzea
- 1996 Vizcaya, un país para la inversión
- 1993: Sorkunde
- 1991: Balearenak
Ekoizle moduan:
- 2013: Tormesko itsumutila (telefilma)
- 2005: Pailazokeriak/PayaS.O.S. ¡Al rescate! (ekoizle eta gidoigile)
Telebista
- Fernando Amezketarra bertsolariaren teleseriea. Koldo Izagirre eta ETBrekin. 1994-1996. Gipuzkoar plazagizon eta bertsolariaren ibilketak eta biribilketak kontatzen dituen telesaila.[16][17]
- Lazkao Txiki bertsolariei buruzko teleseriea. Koldo Izagirre eta ETBrekin. Joxe Miguel Iztueta Kortajarena, Lazkao Txiki ezizenez, Bertsolaririk ezagunenetakoaren istorioak kontatzen dituen marrazki bizidunetako telesaila da. ETBk 1997an 76 atal igorri zituen.[18][17]</ref>
- Txirrita bertsolariaren teleseriea. Koldo Izagirrei eta ETBrekin, Bertsolari ospetsuaren istorioak kontatzen dituen marrazki bizidunetako telesaila da. ETBk 1999an 52 atal igorri zituen.[19]
Sariak
- 1979: Ohorezko aipamena Donostiako Zinemaldian. (Fernando Amezketarra)
- 1979: Bilboko ZiEuskal Zinemaren Sari Nagusia Bilboko Dokumental eta Laburmetraia Nazioarteko Zinemaldian. (Fernando Amezketarra)
- 1983: Bilboko ZiEuskal Zinemaren Sari Nagusia Bilboko Dokumental eta Laburmetraia Nazioarteko Zinemaldian. (Kukubiltxo)
- 1993: Houstoneko Nazioarteko Film eta Bideo Jaialdian urrezko domina. (Ipar haizearen erronka)
- 1993: Lehen saria Salamancako Espainiar Zinemako Astean. (Ipar haizearen erronka)
- 1994: Zilarrezko karabela Itsasoko Zinemagintzaren Nazioarteko XXIII. Astean. (Ipar haizearen erronka)
- 1994: Marrazki bizidunetako film onenaren Goya Saria. (Ipar haizearen erronka)
- 1998: Nominazioa Goya sarietan 1998an.[20] (Ahmed, Alhambrako printzea / Ahmed, el príncipe de La Alhambra)
- 2000: Marrazki bizidunetako film onenaren Goya Saria. (Karramarro Uhartea)
- 2003: Nominazioa Goya sarietan 2003an.[20] (Alhambrako giltza / El embrujo del sur)
- 2006: Anton Abadia saria, Gipuzkoako Foru Aldundiak emana.[21]
- 2013: Zinemira saria, Donostiako Zinemaldian.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ a b Auñamendi Eusko Entziklopedia. Juan Bautista Berasategi Luzuriaga. .
- ↑ Sasi guztien azpitik, sasi guztien gainetik, Gorka Erostarbe, Berria, Berasategiren heriotzean (2017-04-29)
- ↑ EiTB. Juanba Berasategik Zinemira saria jaso du. (Noiz kontsultatua: 2017-04-30).
- ↑ Sociedad de Servicios para los Productos Audiovisuales. (Noiz kontsultatua: 2017-04-28).
- ↑ Association Internationale du Film d'Animation. (Noiz kontsultatua: 2017-04-28).
- ↑ Ibaia, Ikus-entzunezkoen Euskal Ekoizle Burujabeen Elkartea. (Noiz kontsultatua: 2017-04-28).
- ↑ Oh! Euzkadi. (Noiz kontsultatua: 2017-04-28).
- ↑ Gau luzeeneko jaiak. (Noiz kontsultatua: 2017-04-28).
- ↑ Ilargiak baleki. (Noiz kontsultatua: 2017-04-28).
- ↑ Ustela saila. (Noiz kontsultatua: 2017-04-28).
- ↑ Gogoa (Noiz kontsultatua: 2017-04-28).
- ↑ https://www.gipuzkoa.eus/es/web/hizkuntzaberdintasuna/actividades/premios-abbadia
- ↑ Juan Bautista Berasategi IMDB datu-basean. (Noiz kontsultatua: 2017-04-30).
- ↑ «Altzoko Handia, gertuago - Altzo» Tolosaldeko ataria (Noiz kontsultatua: 2020-10-04).
- ↑ https://www.sansebastianfestival.com/2013/premio_zinemira/1/7200/es
- ↑ «Lotura Films » Fernando Amezketarra» loturafilms.eus 2021-07-12 (Noiz kontsultatua: 2022-04-20).
- ↑ a b (Gaztelaniaz) «Dibujos animados con bertsolaris como protagonistas, hoy, en Hitzetik Hortzera» EITB Euskal Irrati Telebista 2020-03-13 (Noiz kontsultatua: 2021-11-20).
- ↑ «Lotura Films » Lazkao Txiki» loturafilms.eus 2021-07-12 (Noiz kontsultatua: 2022-04-20).
- ↑ (Ingelesez) «Lotura Films » Txirrita» loturafilms.eus 2021-07-12 (Noiz kontsultatua: 2022-04-20).
- ↑ a b (Gaztelaniaz) Anexo:Premio Goya a la mejor película de animación. 2017-04-30 (Noiz kontsultatua: 2017-04-30).
- ↑ Juanba Berasategi - 2006 - GipuzkoaEuskara. (Noiz kontsultatua: 2017-04-30).
Kanpo estekak
- Juanba Berasategiren filmografiaren errepasoa Argia astekarian (2013)
- Juanba Berasategiri elkarrizketa Berrian[Betiko hautsitako esteka] (2013-09-25)
- Juanba, Juanba Joxean Muñozen iritzi artikulua Berrian, Berasategiren heriotzean, (2017-04-29)
- Bere lanei begira egin nituen lehen marrazkiak #GuganBego Unai Gaztelumendiren marrazkia Twitterren. (2017-04-28)
Datuak: Q12260950
Multimedia: Juanba Berasategi / Q12260950