Joxe Ramon Bengoetxea
Joxe Ramon Bengoetxea | |||
---|---|---|---|
![]() | |||
| |||
Bizitza | |||
Jaiotza | Irun, 1963ko ekainaren 15a (61 urte) | ||
Herrialdea | ![]() | ||
Hezkuntza | |||
Heziketa | Euskal Herriko Unibertsitatea Zuzenbidean lizentziatua Edinburgheko Unibertsitatea doktoretza | ||
Hezkuntza-maila | doktoretza | ||
Doktorego ikaslea(k) | Iker Nabaskues (en) ![]() | ||
Hizkuntzak | euskara gaztelania | ||
Jarduerak | |||
Jarduerak | legelaria, abokatua eta unibertsitateko irakaslea | ||
Enplegatzailea(k) | Europako Justizia Auzitegia Euskal Herriko Unibertsitatea (1990 - Bordeleko Unibertsitatea (2012 - | ||
Jasotako sariak | ikusi
| ||
![]() |
Joxe Ramon Bengoetxea Caballero (Irun, Gipuzkoa, 1963ko ekainaren 15a) euskal irakaslea eta politikaria da.
Biografia
Zuzenbide- eta Filosofia-ikasketak egin zituen. Edinburgoko Unibertsitatean doktorego-tesia aurkeztu zuen (The Legal Reasoning of the European Court of Justice, 1993an Oxfordeko Unibertsitateak argitaratua). 2010an Eusko Ikaskuntza eta Euskadiko Kutxaren Giza Zientzien Saria irantzu zuen; 2021an Leizaola Saria lortu zuen eta 2023an Helsinkiko Unibertsitateak honoris causa doktorea izendatu zuen. Europar Batasuneko Justizia Epaitegiko abokatu/letratua izan zen zazpi urtez Erresuma Batuko epaileen bulegoan. Zuzenbidearen teoriaren inguruko euskarazko Zuzenbideaz testu-liburuaren egile eta EHUko Zuzenbidearen Filosofia ikasgaiko irakasle katedraduna da. HIru urte eta erdiz Lan eta Gizarte Segurantzako sailburuorde izan zen Eusko Jaurlaritzan.
Argitalpenak
Artikulu hauek plazaratu zituen euskal legelarien Eleria aldizkarian, besteak beste hauek:[1]
- Eskualdea Europan 2011
- Status berezia Konstituzio - Eskualde Autonomoentzako (KEA) Europar Batasunean (EB) 2011
- Zuzena adarretatik 2011
- Herri- eta Nazio-Eskubideen Aldarrikapena, Eusko Ikaskuntzaren baitan eginiko proiektua 2010
- Hans Kelsen-en Teoria juridikoko arazoetara 2006
- Karl L. Llewellyn eta errealismo juridiko amerikarra 2006
- Lawrence Friedma-en XX. mendeko zuzenbide amerikarra 2006
- Neil MacCormick-en "Akatsik egin al dezakete epaileek"? 2006
Sariak eta errekonozimenduak
- 2010: Euskal Herriko curriculum nabarmenenei ematen zaien Eusko Ikaskuntza-Laboral Kutxaren Humanitate, Kultura, Arteak eta Gizarte Zientzien Saria.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ «Jose Ramon Bengoetxea Caballero :: Inguma - Euskal komunitate zientifikoaren datu-basea» www.inguma.eus (Noiz kontsultatua: 2021-03-19).
Kanpo estekak
Datuak: Q12260912