James Ross uhartea
James Ross uhartea | |
---|---|
![]() | |
Datu orokorrak | |
Mendirik altuena | Mount Haddington (en) ![]() |
Garaiera | 1.630 m |
Mota | uharte |
Luzera | 64 km |
Zabalera | 64 km |
Azalera | 2.598 km² |
Eponimoa | James Clark Ross |
Geografia | |
![]() | |
Koordenatuak | 64°10′S 57°45′W / 64.17°S 57.75°W / -64.17; -57.75 |
Honen parte da | James Ross Island group (en) ![]() |
Condominium | Itun Antartikoko eskualde |
Ur-gorputza | Ozeano Australa |
- Ez nahasi Antartikatik gertu dagoen Ross uhartearekin..
James Ross uhartea Penintsula antartikoaren hego-ekialdeko zatian eta ipar-ekialdeko muturretik gertu dagoen uharte bat da, Trinidad penintsularen aurrean, zeinengandik Gustavo printzea kanalaren bidez banandua dagoen.
Uhartea Penintsula antartikoari lotuta egon zen Gustavo Printzea izotz hesiaren bidez 1995 arte, plataforma kolapsatu egin zenean, Gustavo Printzea kanala lehen aldiz nabigagarri bihurtuz.
Altuerarik handiena 1.630 metroan dago, eta Haddington mendiari dagokio. Forma ez erregularra du, eta 40 milia inguru neurtzen du iparraldetik hegoaldera. 1903an kartografiatu zuen Suediar Espedizio Antartikoak Otto Nordenskjölden zuzendaritzapean. Honek sir James Clark Rossen omenez izendatu zuen, inguru honetara 1842an bidaiatu zuen britainiar espedizioaren liderra zena, uhartearen ekialdeko kostaldea deskubritu eta honen gutxi gora-beherako trazatu bat egin zuena. James Ross uhartea izena McMurdo itsasartean dagoen Ross uharteagandik bereizteko erabiltzen da.
Argentinako Armadak 1959ko urriak 4an San Carlos babeslekua inauguratu zuen Brandy edo Aramburu izeneko badian, San Juan babeslekua bost egun beranduago Hidden lakuan inauguratua izan zen bitartean.
Txekiar Errepublikaren lehen base polarra, Mendel polo estazioa, uharte honetan dago, eta 2006ko otsailean ireki zen.
Hezur izoztuak
Antartidan aurkitutako lehen dinosauroa Antarctopelta oliveroi bat da, tamaina ertaineko ankilosauro bat James Ross uharte gainean aurkitu zutena Eduardo Olivero eta Roberto Scassok 1986an. Dinosauroa Campaniarretik berreskuratua izan zen, Goi Kretazeoko garai bat, Santa Maria eraketan, Santa Marta badiatik 2 kilometro inguru hegoaldera, uhartearen iparraldeko zatian. Ankilosauroak bere izena ez zuen ofizialki 2006 arte jaso.
2003ko abenduan, Kaliforniako Santa Maria Eskolako Judd Case paleontologo estatubatuarrak eta Hego Dakotako Meatze eta Teknologia Eskolako James Martin geologo estatubatuarrak theropoda baten hezurrak aurkitu zituzten uharte honetan. Naze deitua izan zen Naze penintsularen iparraldean aurkitua izan ondoren. Goi Kretazeokoak dira. Aurkitutako arrastoen artean goi baraila eta hortzak, eta beheko berna eta oinen zatirik handiena daude. Oso informazio gutxi dago eskuragarri, baina berna eta oinen formak korrikalaria zela adierazten dute, eta tamainak gutxi gora-behera 1,8 metroko altuera zuela adierazten du, gutxi gora-behera 135 kiloko pisua zuelarik. Hau da aurkitutako bigarren theropoda antartikoa Cryolophosaurusaren ondoren.
Lurralde aldarrikapenak
Argentinak uharte hau Suaren Lurraldea, Antartika eta Hego Atlantikoko Uharteak probintziako Argentinar Antartika departamendu barnean sartzen du, Txilerentzat Magallanes eta Txileko Antartika eskualdeko Txileko Antartikako Probintziako Antartika hiriaren zati da, eta Erresuma Batuarentzat Britainiar Antartikaren zati.
Herrialde aldarrikatzailearen izendapenak:
- Argentinak penintsula osoa isla James Ross deitzen du.
- Txilek isla Ross
- Erresuma Batuak James Ross island
Kanpo estekak
Datuak: Q1022143
Multimedia: James Ross Island / Q1022143