komiki gidoilaria, film-zuzendaria eta komikigilea
Lan nabarmenak
ikusi
Iker eta Ixone : Orrazi magikoa Iker eta Ixone : Gaizkiñe Iker eta Ixone : Zahagi-urrea Iker eta Ixone: lurrraren bihotzeraino (komikia) Tom eta Vandi 3 sudurluzeak: spray-en misterioa 3 sudurluzeak: baloiaren misterioa
Izengoitia(k)
Muro
Gregorio Muro Harriet, (Hernani, 1954ko maiatzaren 13a - ) euskal komikigile, zuzendari eta gidoigilea da.[1]
Biografia
Komikigintzan hasi zen eta 80. hamarraldian argitaratu zituen bere lehen albumak Euskal Herriko hainbat argitaletxe eta aldizkaritan, hala nola Erein, Ttarttalo, Elkar eta Habe (Habeko Mik, Ipurbeltz, Zipristin, Puxka Muxka...).[2]
1980. hamarkadaren azkeneko urteetan, beste marrazkilarientzako gidoiak idazteari ekin zion, eta horrela bere istorioek proiekzio askoz handiagoa erdietsi zuten. Bere komikiek nolabaiteko arrakasta izan dute Europan eta zenbait sari ere irabazi ditu. Ondorioz, bere lanak hainbat hizkuntzatan izan dira argitaratuak, hala nola espainieraz, frantsesez, italieraz, alemanez eta danieraz.
Ziurrenik 80ko hamarkadako komiki-gidoigintzan euskal egile emankor, arrakastatsu, saritu eta nazioartekoena izan zen, Justin Hiriart, Jon eta Mirka edo Sorgin seinalea bezalako lanekin.[3]
Baina, pixkanaka komikiaren mundua txikia egin zitzaion eta animazio zinemara egin zuen jauzia.[4] Irudi errealeko filmen gidoigile ere aritu izan da. Bi hamarkada osoz egon zen zinema egiten, film luze zein laburretan, gidoilari, zuzendari eta produktore gisa.
2015. urtean Harriet argitaletxea sortu zuen,[5] eta bertan azken urteetan komiki ugari atera ditu euskara eta gaztelaniazko edizio bikoitzetan: bere lehengo lanen berrargitalpenak, nazioarteko egile eta lan interesgarriak, nazioartean ari diren euskal egileen lanak, euskal egile berriak...
Gidoigintzara itzuli zen eta lan berriak argitaratzen ari da gurean zein nazioarteko merkatuan: Lotsa eta ahaztea, Mugako dragoiak...[3]
Lan literarioa
Erein argitaletxearen Ipurbeltz bilduman komiki pertsonai batzuk sortu eta ale monografiko batzuk argitaratu zituen: Duk Rampy, Iker eta Ixone, Tom eta Vandi eta Hiru sudurluzeak. [6][7]
Iker eta Ixone1978- Iker eta Ixone : Orrazi magikoa / Gregorio Muro.Ipurbeltz 1.zkia ISBN 84-85324-12-9
1979- Iker eta Ixone : Gaizkiñe / Gregorio Muro.Ipurbeltz 6.zkia ISBN 84-85324-27-7
1979- Iker eta Ixone : Zahagi-urrea/ Gregorio Muro.Ipurbeltz 9.zkiaISBN 84-85324-34-X
1980- Iker eta Ixone : lurrren bihotzerino/ Gregorio Muro. Ipurbeltz 12.zkia ISBN 84-85324-43-9
1981- Tom eta Vandi / Gregorio Muro. Ipurbeltz 13.zkia ISBN 84-85324-60-9
1979- 3 sudurluzeak: spray-en misterioa/ Gregorio Muro; marrazkiak Pedro Sestelo. Ipurbeltz 7.zkia ISBN 84-85324-31-5
1981- 3 sudurluzeak: balioaren misterioa/ Gregorio Muro; marrazkiak Pedro Sestelo. Ipurbeltz 14.zkia ISBN 84-85324-59-5
1980- Duk Rampy mendebaldera/ Gregorio Muro; marrazkiak Pedro Sestelo. Ipurbeltz 11.zkia ISBN 84-85324-41-2