Fluxu-diagrama
![](http://upload.wikimedia.org/wikipedia/commons/thumb/d/d6/FlowchartExample.png/200px-FlowchartExample.png)
Fluxu-diagrama algoritmo edo prozesu bat burutzeko pauso guztiak irudikatzen dituen diagrama bat da, abiapuntu eta helmuga bakarra dituena. Urratsak modu ordenatuan irudikatzen ditu, horiek gezi batez lotuz. Pauso bakoitzean burutu beharreko jarduera zein motakoa den, itxura desberdineko irudiak erabiltzen dira:
- laukizuzenak burutu beharreko ataza sinpleak irudikatzen dituzte;
- behar diren datuak eta eskuratzen diren emaitzak paralelogramo batez;
- baldintza eta erabakiak erronbo batez;
- eta prozesuaren abiapuntua eta helmuga zirkulu edo izkinak leunduta dituen laukizuzen batez.
Fluxu-diagramak hainbat alorretan erabiltzen dira prozesuak analizatu, diseinatu, dokumentatu edo kudeatzeko.[1]
Fluxu diagramak eta algoritmoak
Fluxu-diagramekin modu grafikoan egin daitekeena algorimoekin ere egin daiteke tesu moduan. Gaur egunean fluxu diagramak gutxitan erabiltzen dira, algoritmoak askoz erabiliagoak dira prozesuak zehazteko. Algoritmo sinpleak irudikatzeko balio dute, edo algoritmo ez hain zailak deskribatzeko baina lehen mailako deskribapena erakusteko, xehetasun guztiak eman beharrik gabe.
Diagrametako oinarrizko formak
Oinarrzko programetan azaltzen diren osagai posibleetako bakoitza forma diferente batekin adierazten fluxu-diagraman. Oinarrizko osagaiak hauek dira:
- Agindua (aldagai bati balio bat esleitzea)
- Sarrera-irteerako agindua (balio bat irakurri edo inprimatzea)
- Baldintza
- Begizta edo Iterazio kontrol-egitura
- Beste prozesu lagungarri bat martxan jartzea
eta horrela adierazten dira fluxu-diagrametan:
Forma | Izena | Deskripzioa |
---|---|---|
![]() | Fluxu-lerroa | Fluxu-lerroak sinboloak lotu eta prozesuaren norabidea markatzen du. |
![]() | Hasiera-amaiera | Elipsea, obaloa edo ertz leunduak dituen laukizuzena. Prozesuaren hasiera eta bukaera irudikatzen Hasierakoak "hasiera" hitza edo prozesuaren izena izan ohi du, eta bukaerakoak "amaiera" hitza. |
![]() | Prozesua | Laukizuzenak ekintza adierazten du. |
![]() | Baldintza | Erronboak bidegurutzea bat ebazten duen baldintza hartzen du barne. Baldintza aukera bat izan daiteke ("jarraitu nahi duzu? bai/ez") ala egiaztapen edo iragazketa bat ("adina>=18? egia/gezurra"). Erronbotik bi gezi ateratzen dira: bat behetik (ohituraz "bai" edo "egia") eta bestea albotik ("ez" edo "gezurra"), edozein kasutan, beti ondo izendatuta. Aukerak bi baino gehiago badira "aurretik definitutako prozesua" erabiltzea komeni da. |
![]() | Sarrera/Irteera | Paralelogramoak datuen sarrera eta irteera adierazten du. |
![]() | Oharra | Prozesuaren gaineko oharrak eta iruzkinak. |
![]() | Aurretik definitutako prozesua | Alboetan tira bertikalak dituen laukizuzenetan prozesu konplexuak sartzen dira, aparteko fluxu-diagrametan edo azpierrutinetan garatzen direnak. |
![]() | Begizta | Hexagonoak era ziklikoan hainbat aldiz edo baldintza bat bete arte errepikatzen den sekuntzia adierazten du. |
![]() | Orri barruko lotura | |
![]() | Orrien arteko lotura |
Erreferentziak
Ikus, gainera
- Begizta (programazioa)
- Begizta inbariante
- For begizta
- Iterazio
- Kontrol-egitura
- Programazio
- Repeat begizta
- While begizta
Kanpo estekak
- http://www.alegsa.com.ar/Dic/lenguaje_de_programacion_de_alto_nivel.php
- https://definicion.de/programa-en-informatica/
Datuak: Q185092
Multimedia: Flow charts / Q185092