El mestre que va prometre el mar
El mestre que va prometre el mar | |
---|---|
Jatorria | |
Argitaratze-data | 2023 |
Izenburua | El mestre que va prometre el mar |
Jatorrizko hizkuntza | katalana gaztelania |
Jatorrizko herrialdea | Espainia |
Ezaugarriak | |
Genero artistikoa | biographical drama film (en) ![]() |
Iraupena | 105 minutu |
Deskribapena | |
Oinarritua | Q114014762 ![]() |
Grabazio lekua(k) | Bartzelonako probintzia eta Briviesca |
Zuzendaritza eta gidoia | |
Zuzendaria(k) | Patricia Font |
Antzezlea(k) | |
Enric Auquer (Antoni Benaiges Nogués) Laia Costa Luisa Gavasa Ramon Agirre | |
Ekoizpena | |
Konpainia ekoizlea | Minoria Absoluta Lastor Media (en) ![]() Castelao Producciones (en) ![]() [[Kategoria:Lastor Media (en) ![]() [[Kategoria:Castelao Producciones (en) ![]() |
Argazki-zuzendaria | David Valldepérez (en) ![]() |
Argumentu nagusia | Antoni Benaiges Noguésa |
![]() ![]() ![]() |
El mestre que va prometre el mar (euskaraz: «Itsasoa agindu zuen maisua») 2023ko Patricia Font kataluniar zinema zuzendariaren drama historikoa da. Francesc Escribanoren liburuan oinarritutako Albert Valen gidoiarekin. Jatorriz katalanez eta gaztelaniaz grabatu zuten, protagonistak Enric Auquer eta Laia Costa ditu izan ziren. Gertaera nagusiak Bañuelos de Bureba herrian kokatzen da 1936an. Antzerki-bertsioa ere badago.
Sinopsia
Oharra: Atal honek istorio osoa edo amaiera argitzen du.
![](http://upload.wikimedia.org/wikipedia/commons/thumb/f/f9/Retrat_Antoni_Beniages_%28recortado%29.jpg/220px-Retrat_Antoni_Beniages_%28recortado%29.jpg)
Ariadnak bere aitona Carlosi buruzko albiste bat jasoko du telefonoz: aitonak aspalditik bilatzen dituela 36ko gerran desagertutako bere aitaren gorpuzkiak. Laguntzeko asmoz, Burgosera joango da, birraitona lurperatuta egon daitekeen hobi komun batera. Bertan, Ariadnak Antoni Benaiges (Enric Auquer) maisu katalan gaztearen istorioa ezagutuko du bere ikaslea izan zen Emilioren eskutik (Ramon Agirre). Antoni Benaiges maisu gaztea 1935ean bidali zuten Burgos probintziako Bañuelos de Bureba herri txikira. Ez ohiko maisu bihurtuko da Antoni herri txiki horretan, batez ere aurreko maisuarekin konparatuz gero. Antoni baino lehenago herriko apaiza bera izan zen maisua, eliza atzerakoienaren erakusgarri bat.
Antonik ikasleak inspiratu zituen, Freineten pedadogia-teknika berriak aplikatuz denen artean hainbat koaderno editatu zituzten, ikasleek eurek sortutako testu eta irudiekin, ikasgelan zuten inprenta txiki batekin. Giro sortzaile horretan egun batean promesa bat egin zien ikasleei: itsasoa ikustera eramatea, bere herria zen Mont-Roig del Camp-era (Tarragona).[1] Baina ezin izan zuen bere agindua gauzatu faxismoaren biktima bihurtu zelako, Gerra Zibilean falangistek hil zuten, torturak jasan ondoren. Baina ume haiek eskolan ikasitako gauza batzuk ez zituzten ahaztuko gero. Irakaskuntza-metodo berritzaileak eta inspiratzaileak sartuta geratu ziren haurren gogoan.[2]
Filmak bi istorio tartekatzen ditu. Alde batetik, dementzia-sintoma aurreratuak dituen eta egoitza batean bizi den gizon bat dugu, memoria-laino batean bizi dena, eta, bestetik, gerra zibileko zenbait gertaera argitzearren memoria historikoa berreskuratzeko ahalegina. Bi gertaera horien arteko lotura memoria da: berreskuratu nahi den memoria pertsonal bat eta ezinbestean desagertuta zegoen memoria historiko bat.[2]
![Map](https://maps.wikimedia.org/img/osm-intl,6,42.175617,-0.499878,800x200.png?lang=eu&domain=eu.wikipedia.org&title=El_mestre_que_va_prometre_el_mar&revid=9795989&groups=_668feeaecfc9c441d85e218cfe5a312bb67dca78)
Garai historikoa
Errepublikaren garaian eta gerra zibilari hasiera eman zion estatu-kolpearen hasieran kokatzen da istorioa. Kontakizun honetan, maisu-maistra eredugarri bat zer den irudikatzen duen maisu baten jarrera erakusten da, ikasle guztientzako maisua dena. Espainiako gerra zibilean horrelako ehunka maisu-maistra hil zituzten, eskolatik bota zituzten. Errepresaliak eta errepresio luze eta oso gogorra jasan zituzten.[2]
Aktoreak
- Enric Auquer: Antoni Benaiges[3]
- Laia Costa: Ariadna[3]
- Gael Aparicio[3]
- Alba Hermoso: Josefina[4]
- Nicolás Calvo: Emilio[4]
- Milo Taboada[3]
- Luisa Gavasa: Charo[4]
- Ramon Agirre: Emilio handitan[4]
Erreferentziak
- ↑ «El mestre que va prometer el mar» Berria 2023-11-04 CC BY-SA 4.0 lizentziapean.
- ↑ a b c (Katalanez) «El mestre que va prometre el mar» El Diari de l'Educació 2023-10-23 (Noiz kontsultatua: 2024-01-02).
- ↑ a b c d (Gaztelaniaz) Marroquín, Alberto. (2022-10-25). «Claqueta final para la película del maestro Benaiges» El Correo de Burgos.
- ↑ a b c d (Gaztelaniaz) Filmax. El maestro que prometió el mar. .
Ikus, gainera
Kanpo estekak
Datuak: Q114014656