Giuseppe Giovanni Battista Vincenzo Pietro Antonio Matteo Balsamo —ezagunagoa Alessandro Cagliostroko kondea goitizenaz edo, besterik gabe, Cagliostro goitizenaz— (Palermo, Sizilia, Italia, 1743ko ekainaren 2a - San Leone, Urbino, Italia, 1795eko abuztuaren 26a) okultista, alkimista eta abenturazalea izan zen. Ez zuen sendagintza-ikasketarik egin; Europa osoa igaro zuen, ordea, benetakoak ez zituen sendagintza-ezagutzak lau haizetara zabalduz. Ospe handia izan zuen Parisen, Luis XVI.a Frantziakoaren gortean. Hargin beltzekin harremanak izan zituen, eta Egiptoko framazoneria sortu zuen. Rohan kardinalaren «lepokoaren auzian» esku hartu zuten 1786an, eta, Bastillan espe egon ondoren, Frantziatik egotzi zuten. Handik hiru urtera Erroman atxilotu eta hiltzera zigortu bazuten ere, azkenik biziarteko espetxe-zigorra ezarri zioten.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo-estekak