Ballymurphyko sarraskia
Ballymurphyko sarraskia | ||
---|---|---|
| ||
![]() | ||
Mota | masa hilketa | |
Denbora-tarte | 1971ko abuztuaren 9a - 1971ko abuztuaren 11 | |
Data | 1971ko abuztuaren 11 | |
Kokaleku | Belfast | |
Parte-hartzaileak | Parachute Regiment (en) ![]() | |
Pertsona hilak | 11 | |
![](http://upload.wikimedia.org/wikipedia/commons/thumb/1/11/BallymurphyMassacre.jpg/250px-BallymurphyMassacre.jpg)
Ballymurphyko sarraskia 1971ko abuztuaren 9tik 11ra burutu zuen Britainiar Armada, Ipar Irlandako Ballymurphyn, zibilen aurkako operazio batean zeinean 11 pertsona hil zituzten.
Gertakariak
1971ko abuztuaren 9an, Britainiako armadak hamaika zibil hil zituen odol hotzean 36 orduko epean. Demetrius operazioa deitu zutena jarri zuen abian armadak. 3.000 soldadu Irlanda Iparraldean barneratu ziren eta 346 pertsona atxilotu zituzten, epaiketarik gabe espetxeratzeko. Gerora frogatuta geratu denez, atxilotuetako gehienak ez ziren IRAkoak. Polizia operazioak berehalako erantzuna eragin zuen errepublikar irlandarren artean eta egundoko istiluak sortu ziren. Gatazka politikoa gogortzen zihoan. 1971ko abuztuaren 9a astelehena zen, eta aipatu operazioaren barnean, 600 soldadu britainiarrek Belfast Mendebaldeko Ballymurphy ingurua hartu zuten, etxebizitzetan sartu eta gizonak atxilotuta eramanez. Gazte zein zahar, tiro egin zieten etxetik ateratzeko erresistentzia jartzen zutenei. Hala, hamaika zibil hil zituen britainiarren Lehenengo Batailloiko Paraxutisten Erregimentuak.[1]
1972ko ikerketek hilketa guztiei buruzko epai ireki bat eman zuten,[2] baina auzitegiko medikuaren 2021eko txosten baten arabera, hildako guztiak errugabeak ziren eta hilketak "justifikaziorik gabeak" izan ziren.[3]
Dokumentala
Hilketa horiek 2018ko abuztuan plazaratutako dokumental baten gaia dira, The Ballymurphy Precedent. Zuzendaria Callum Macrae izan zen, Channel 4 telebista katearen lagutzarekin.[4]
Erreferentziak
- ↑ https://www.argia.eus/efemerideen-kanala/demetrius-operazio-gatazkatsua-burutu-zuen-irlanda-iparraldean-britainiar-armadak
- ↑ https://www.irishtimes.com/news/ireland/irish-news/ballymurphy-inquest-findings-to-be-published-in-belfast-in-may-1.4521079
- ↑ https://news.sky.com/story/ballymurphy-inquest-10-innocent-people-shot-without-justification-coroner-finds-12303411
- ↑ https://www.theguardian.com/film/2018/aug/24/the-ballymurphy-precedent-review-touching-personal-accounts-of-the-troubles
Ikus, gainera
- Ipar Irlandako gatazka
- Igande Odoltsua (1972)
Kanpo estekak
Datuak: Q805426