Ohar medikoaOharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Asbestosia lanak sortutako arnas gaixotasun kronikoa da, amiantoa duten produktuek eraginda eta meatzaritza, zurgintza, eraikuntza eta automobilgintzan (balazta eta enbrageak) diharduten langileak kaltetzen dituena. Asbesto edo amianto hautsa hausnartuz gero sortzen den gaixotasuna. Neumokoniosi mota bat da.[1]
Biriketako fibrosia eragiten du eta zuzenean lotuta dago kontaktuaren intentsitate eta iraupenarekin.
Minbiziaren arrisku handiagoa da 15-20 edo urte gehiagoko esposizio luzearen ondoren, birikako minbizia edota mesotelioma garatuz.
Diagnostikoa
Erradiografian biriketako beheko lobuluetan irudi fibrotikoak agertzen dira.
Espirometrian patroi murriztailea garatuko dute asbestosikoek.
OTA edo eskanerrean pleurako plakak ikus daitezke esposizio zaharra eduki duten pertsonengan.