Arrate Egaña
- Artikulu hau euskal idazleari buruzkoa da; beste esanahietarako, ikus «Egaña».
Arrate Egaña | |
---|---|
![]() (2012) | |
Bizitza | |
Jaiotza | Errenteria, 1963ko maiatzaren 24a (61 urte) |
Herrialdea | ![]() |
Hezkuntza | |
Hizkuntzak | euskara gaztelania |
Jarduerak | |
Jarduerak | idazlea |
Lan nabarmenak | ikusi
|
Jasotako sariak | ikusi
|
![]() |
Arrate Egaña Gimenez (Errenteria, Gipuzkoa, 1963ko maiatzaren 24a) euskal idazlea da. Filologia Hispanikoan lizentziaduna, Euskal Filologiako eta gidoigintzako ikasketak ere egin ditu, eta Kataluniako, Galiziako eta Euskal Herriko literaturen inguruko Master bat. Bigarren hezkuntzako hainbat institututan lan egin du. Gaur egun ogibidez Eusko Jaurlaritzako Hezkuntza Saileko hizkuntza teknikaria da, ISEI erakundean (Irakas-Sistema Ebaluatu eta Ikertzeko Erakundea).[1][2]
Literatur ibilbidea
1999an argitaratu zuen bere euskarazko lehen liburua: Printzesa puzkertia. Baina lehenago gazteleraz idatzitako bere bi lan saritu zituzten: 1992an, Salamancako Atenea Saria jaso zuen Angelitos negros ipuinari esker, eta, Donostia Hiria Sarian bigarren geratu zen La visita ipuinagatik.[3]
Hogei bat narrazio liburu argitaratu ditu euskaraz: Kixmi elurpean (2005), Hizkuntza sekretuak (2008), Giltza (2011), Paradisua, (2012) eta Simon ipuinen munduan (2013), besteak beste.[4] Literatura sari batzuk jaso ditu: Baporea (1999), Emakumeak Kontari (2002), Lizardi Saria (2011), Kutxa Literatur Saria (2012, Egia antzezlanarekin), Gabriel Aresti Saria (2013)...[5]
2022an Itzalen distira ipuin liburua argitaratu zuen.[6]
Bestalde, Benetako pirata liburuan ilustrazio lanak ere egin zituen.
Arrate Egañak Haur eta Gazte Literaturako liburuez gain, Helduen literaturako liburuak ere argitaratu izan ditu. Euskaraz lehenengoa 2012an argitaratu zuen: Paradisua (Elkar).
Hainbat gairen inguruan idatzi du; besteak beste, nerabezaroko kezka eta arazoak, zorionaren bilatzea, familia, gaur egungo eskola, etorkinak, etab.
Gustatzen zait egoera batzuk luzatzea muturreraino, erradikalagoak bihurtzea, eta ikustea pertsonaiek nola funtzionatzen duten egoera horiekin. (Arrate Egaña)[6]
Sariak
- Premio Atenea, Salamanca (1992), Angelitos negros ipuinagatik.
- Donostia Hiria, Narrazio sailean (1992), La visita ipuinari esker.
- SM Baporea (1999), Printzesa puzkertia liburuarekin.
- Erroxape Elkarteko Saria, Bermeo (2000), 3. postua Katea ipuinaz.
- Emakumeak kontari, Bilboko udala, Emakumearen Zerbitzua (2002), Neguko udareak kontakizunagatik.
- Lizardi Saria, Zarauzko udala (2011), Giltza liburuagatik.
- Donostia Hiriko Kutxa 52. literatura saria (2012), Antzerki sailean, Egia lanarekin.
- Gabriel Aresti Ipuin Lehiaketa, Bilbo (2013), Marquez ipuinari esker.
- Mikel Zarate Haur Literaturako Saria, Bilbo (2015), Patioan liburuagatik.
Lanak
Zerrenda luzea da Arrate Egaña idazlearen liburuena. Batez ere euskarazko haur eta gazte literatura idatzi du, baina helduentzat ere argitaratu ditu hainbat liburu, baita antzerki obra bat ere. Hauek dira azken urteetan argitaratu dituenak:
Haur eta gazte literatura
- Logurepeko munstroak (2003, Erein).
- Oneka (2004, Erein).
- Kixmi elurpean (2005, Elkarlanean, Bizitaupadak saila).
- Txita more txikia (2007, Erein).
- Hizkuntza sekretuak (2008, Elkarlanean).
- Izebak (2008, Ibaizabal).
- Ni naizen guztia (2009, Erein).
- Gabe gabe (2010, Erein).
- Giltza (2011, Erein).
- Lanbroa / Bruma (2011, Gero/Mensajero).
- Dragoia (2011, Erein).
- Familia berria (2012, Elkar).
- Simon ipuinen munduan (2013, Elkar).
- Patioan (2015, Elkar)
- Printzesa puzkertia (2017, Erein).[7]
- Klarisa Lupabitx. Ume desagertuaren kasua (2017, Erein).
- Klarisa eta K Taldea. Arimen Parkearen misterioa (2019, Erein).
- Klarisa eta K Taldea. Mamuak eta bihotzak (2021, Erein).
Helduentzako literatura
- Paradisua (2012, Elkar)
- Egia (2012, Elkar)
- Itzalen distira (2022, Erein)[8]
Erreferentziak
- ↑ «Lan-taldeak - ISEI - IVEI» www.isei-ivei.hezkuntza.net (Noiz kontsultatua: 2020-05-08).
- ↑ @ISEI_IVEI-ko Arrate Egana #Getxolinguae17-an Irakurmenetik harago. (Noiz kontsultatua: 2022-11-11).
- ↑ (Gaztelaniaz) Ibargutxi, Felix. (2001). «Arrate Egaña Giménez» Auñamendi Eusko Entziklopedia.
- ↑ «Arrate Egaña Gimenez: Bibliografia» Euskal Idazleen Elkartea.
- ↑ Agirregabiria, Mikel. (2012). «Arrate Egaña, idazlea» Mikel Agirregabiria.
- ↑ a b Imaz, Andoni. ««Interesatzen zaizkit emozioak, baina ez sentimentalismoa»» Berria (Noiz kontsultatua: 2022-11-11).
- ↑ «Printzesa puzkertia» erein.eus.
- ↑ Sarasola, Ainhoa. «Batzuen iluna, besteen argia» Berria (Noiz kontsultatua: 2022-06-01).
Kanpo estekak
Wikiesanetan badira aipuak, gai hau dutenak: Arrate Egaña |
- Arrate Egaña Gimenez. Galtzagorri Elkartearen webgunea
- Arrate Egaña. Literaturaren zubitegia
- Arrate Egaña Gimenez. Euskal Idazleen Elkartearen webgunea
- (Gaztelaniaz) Arrate Egaña Gimenez. Auñamendi Eusko Entziklopedia
- Arrate Egaña: Hemeroteka. Euskal Idazleen Elkartearen webgunea
- Arrate Egaña: Bibliografia. Euskal Idazleen Elkartearen webgunea
- Arrate Egaña, idazlea. Mikel Agirregabiriaren bloga
- (Gaztelaniaz) Arrate Egaña: El paraíso. Un libro al día bloga
- Elkarrizketa: Interesatzen zaizkit emozioak, baina ez sentimentalismoa Berria, 2022.11.11
Datuak: Q12254092