Alexander Goehr
Alexander Goehr | |
---|---|
![]() ![]() | |
Bizitza | |
Jaiotza | Berlin, 1932ko abuztuaren 10a |
Herrialdea | ![]() |
Heriotza | Cambridgeshire, 2024ko abuztuaren 26a (92 urte) |
Familia | |
Aita | Walter Goehr |
Ama | Laelia Goehr |
Seme-alabak | ikusi
|
Hezkuntza | |
Heziketa | Royal Northern College of Music (en) ![]() Royal Manchester College of Music (en) ![]() Berkhamsted School (en) ![]() Parisko Kontserbatorioa |
Hizkuntzak | ingelesa alemana |
Irakaslea(k) | Richard Hall Olivier Messiaen Yvonne Loriod |
Ikaslea(k) | ikusi
|
Jarduerak | |
Jarduerak | musikagilea eta musika-irakaslea |
Enplegatzailea(k) | Yale Unibertsitatea New England Conservatory (en) ![]() Southamptongo Unibertsitatea Leedsko Unibertsitatea (1971 - 1976) Cambridgeko Unibertsitatea (1975 - 2024) |
Kidetza | New Music Manchester (en) ![]() |
Genero artistikoa | opera sinfonia |
![]() ![]() ![]() ![]() ![]() ![]() |
Alexander Goehr (Berlin, 1932ko abuztuaren 10a – Cambridgeshire, 2024ko abuztuaren 26a) britainiar musikagilea eta akademikoa izan zen, jatorriz alemaniarra, Walter Goehr musikagilearen semea. 1933an Londresera aldatu zen bere familiarekin, eta Manchesterko Royal College of Music eskolan hasi zituen musika-ikasketak. Eskola hartan ikasten ari zela Manchesterko Musika Talde Berria sortu zuen bere zenbait ikaskiderekin (Davies, Birtwistle eta Ogdon). Ondoren, Parisko Kontserbatorioan ikasi zuen O. Messiaen eta Y. Loriod maisuekin. 1956an, Ingalaterrara itzuli zenean, zenbait obra idatzi zituen Bath, Aldeburgh, Cheltenham, Edinburgo eta Yorkeko musika-jaialdietarako. 1960 eta 1968 urteen artean BBCko ekoizle gisa lan egin zuen, geroago Estatu Batuetan eskolak eman zituen, eta 1971. urtean Leedseko Unibertsitateko musika-irakasle izendatu zuten. Handik bost urtera, 1976an, haren antzeko lanpostu bat bete zuen Cambridgeko Unibertsitatean 1999 arte.
Goehrrek Vienako Bigarren Eskolako musikagile erromantikoak eta espresionistak ikertu ditu bere karreran zehar. Argitara eman zuen lehen lana pianorako sonata bat izan zen, baina The Deluge (Uholdea) izeneko kantatak eman zion ospea, 1958. urtean. 1959an Sutter's Gold (Sutterreko urrea) kantata eta Hecuba's Lament (Hekubaren deitorea) orkestrarako pieza sortu zituen. Handik hiru urtera, berriz, Violin Concerto (Biolinerako kontzertua) osatu zuen, eta haren ondotik garrantzi handiko beste zenbait obra aurkeztu zituen, adibidez Little Symphony (1963, Sinfonia txikia). Lehenengo opera 1966. urtean idatzi zuen: Arden Muss Sterben (Ardenek hil egin behar du). 1970ean Shadowplay-2 antzerki musikalerako musika idatzi zuen; urte hartakoak ditu, halaber, Symphony in One Movement (Sinfonia mugimendu bakar batean), Concerto for Eleven (Hamaika musika tresnarako kontzertua) eta Sonata about Jerusalem (Jerusalemi buruzko sonata). Ganbera-musikaren alorrean, azkenik, aipagarriak dira Goehrren Piano Trio (1966, Hirukotea pianoarekin) eta bigarren Harizko Kuartetoa.
Hirugarren Kuartetoa izan zen Goehrrek bere serialismo-forma erabilita idatzitako azken obra. Psalm IV lanarekin serialismoa alde batera utzi zuen. «Reith Lectures» direlakoen protagonista izan zen 1987an, The Survival of the Symphony lanarekin.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
- (Ingelesez) Alexander Goehr, Schott musika-argitaletxearen web-orrian
Datuak: Q215847
Multimedia: Alexander Goehr / Q215847